Encontro musical enfocado ao vento metal e á percusión cun obxectivo claro: aprender, perfeccionar o traballo en equipo e, sobre todo, gozar ao máximo da experiencia.

É unha actividade aberta a tódolos niveis; unha vez realizada a inscrición, organizaranse diferentes grupos de traballo segundo o nivel de cada participante para aproveitar ao máximo o tempo cos profesores.

Para iso, contaremos cun profesorado de excepción formado polos trompetistas da Banda de Santiago de Compostela, quen achegarán a súa experiencia e guía para sacar o máximo rendemento a esta xornada musical.

Ao longo do día combinaremos o traballo por seccións —ideal para pulir detalles técnicos propios de cada instrumento— con ensaios conxuntos nos que traballaremos a sonoridade, a afinación e o empaste grupal.

Como broche final a esta xornada de convivencia e aprendizaxe, celebraremos un concerto de clausura onde levaremos ao escenario todo o traballo realizado.

O prezo total da xornada é de 30€ e inclúe comida e materiais para o concerto.